Blogia
HASERRE NAGO !!

Erakusleak

Nahi baina ezein ospatu

Nahi baina ezein ospatu Badirudi, orain ez dela unea; ez da lekua, ezta sasoi egokia ere; baina ospakizunetarako garaia da, brindis ezinezkoak egiteko; zirt edo zart egin behar dugu, nahiz eta daukagunarekin nekez sinestekoa den.
¿Y esta publicidad? Puedes eliminarla si quieres

EZTENA

EZTENA Erleek bizirik iraun ahal izateko elkarlanean diharduten bezala,geuk ere
Artisauok,elkarkidetzan aritu behar gara gure lanbide eta bizimoduei eusteko.
ALFERRIK DA ESRITA GERATZEA.Erleen moduan,egun- egunero irten behar gara etxetik helburu bakar batekin: gure lanbideak sustatzearena.

Felix Pakatza
Laudio (Araba)

AHOA ITXITA

AHOA ITXITA Saskiak nire eskuetatik sortzen direnean, jendearengandik hurbil nagoela sentitzen dut, behar eta nahietatik gertu; beste bat gehiago naiz.
Baina nire lanaren bidez zerbait adierazteko eskubidea kentzen saiatzen direnean, ahoa itxita sentitzen dut, nire saskiak hiltzen hasten dira, desagertzen hasten naiz, eta nirekin batera, agian, zeure buruaren parte bat?

Juan Unzueta
Durango (Bizkaia)

SOINU MUTUA

SOINU MUTUA Alboka honek jotzeko erabiltzen den elementu guztiak dauzka baina ezin da inondik heldu, egurrezko uztarriak zulorik ez daukalako.
Adar txikiaren ertza leuna izan beharrean ezpain aldean hortz zorroztuak dauzka. Bestaldetik, soinua ematen duten fitak alderantziz dagoz sartuta tutuetan.
Kainuberazko tutuek, benetako zortzi zulo badituzte ere, txarto eginda dagoz ezina da beraz erregistro musikala.
ENTZUN ARTISAUTZAREN DEIA.

Fidel largatza
Laudio (Araba)

JOLASTEKO GARAIAK

JOLASTEKO GARAIAK Jolasteko garaia iristen denean, inork ezta ezerk ere ezin du eragotzi umeak jolastu daitezen; ezta pilota arantzadunak eta barrualde gabeko palarik ere. Halaber, ezin dute eragotzi artisautza bizirik irautea gogorik ez duten erakundeek, ezta aintzakotzat hartzen ez gaituen gizarteak ere, ezta gaur eguneko beharretara egokitzeko gaitasunik gabeko artisauek ere; hauek guztien artean ere ezin dute artisautzaren egunez eguneko borroka geldiarazi.

Alvaro Cebrian
Kortezubi (Bizkaia)

"ITXURAK"

"ITXURAK" BIZITZA: Burdina bezain gogorra eta zaila.
Edertasuna, zilarra bezain malgua.
Artisau-artisten irudimena eta sentikortasuna,
urrea bezain harikorra.
Lan egiten duten eskuak.

HERIOTZA: Gure etorkizuna

Angel Ledo
Eibar (Gipuzkoa)

SEGAEZINA

SEGAEZINA Kirten arrunta eduki beharrean, sega egurrezko ola batean dago lotuta, eskuez heltzeko zuloak baditu ere, segak ezin du bere funtzioa bete.
Sega horrek gauza asko ebaki luke baino inoiz ez belarra, honela erreminta honen kontrajarria.
Bestaldetik, nahiz eta zorroztarria eta segapotoa eduki, ezin da erabili harria lotuta dagoelako adarraren barruan.
ARTISAUTZA HORRELA SENTITZEN DA.

Fidel Largatza
Laudio (Araba)

"BETETA"

"BETETA" Saturatuta, beteta, gainezka, ez dago espazio gehiago. Ez dugu pitxerrik behar, ezta egurrik ere, ezta olibondorik ere, ez dugu artisaurik behar.
Ez dugu lanbidedun jenderik behar: pieza bakarrak egiten duenik, eduki hezgarriak dituenak eskaintzen duenik, erabilgarria izatea baino gehiago dakarren gauzarik.
Balio praktikoari erantsi diezazkiotela honakoak: sormena, originaltasuna eta artisauak zeuretzat, behin eta bakarrik, egin duen objektu batek duen balioa.
Beteta gaude, ez dugu lekurik apartekoarentzat, nahigo dugu beteta egon.

DENBORAREN AURKA

DENBORAREN AURKA Badirudi, eskuz idazten den agenda tradizionala desagertzeko zorian dagoela eta gogoan izango dugula.
Horixe da, bederen, Bizkaiko Foru aldundiak nahi duena. Izan ere, artisautza laguntzeko bere azken foru dekretuaren bidez, erabilera telematikoa sustatzen du, exijitu egiten baitigu laguntza-eskariak informatikaren bidez egitera.
Zer nahi dute? Eskulan-artisaua desagertuz joan dadin eta, denetarako, makinak baino ez erabiltzea?

Edurne Garate
Bilbao (Bizkaia)

HASERRE NAGO

HASERRE NAGO Gogo bizia da.
Irrika da zurea.
Eukitzea, dena niretzat.
Guztia zorro barrua.

Artisautza beste konzeptu bat da.
gauzak lasai egitea.
Arduraz, maitasunez.
PRESA BARIK.

Artisautza nolabaiteko iraultza antisociala da.

Artisau izatea erabaki dut ikusteb dudana gogoko ez dudalako.

ORTZADAR TAILERRA
Gorka de Oruetxebarria
Bilbao (Bizkaia)

EZ-PILUE

EZ-PILUE

HAZIA ERRETA EZ DAGO
+ ASE NAGO
____________________
HASERRE NAGO



URBELA
Juan Ramón Muela
Bilbao (Bizkaia)
¿Y esta publicidad? Puedes eliminarla si quieres

"SUSTRAIAK"

"SUSTRAIAK" Artisautza, gure herriko sustraietako bat da.
Berari esker gure herria loratzen da.
ZAINDU
ERABILI
ULERTU
GOZATU
Ez ezazu ahantzirik utzi.

AITOR DIEGO JOYAS
Aurkene Rementeria eta Aitor Diego
Bilbao (Bizkaia)

“PELOTA KARRATUA”

“PELOTA KARRATUA” Edertasuna, zintzotasuna, adorea, pazientzia, bertute xumeak eta lan ona bukatuta.
Pilota karratua: lanbidea soilik erakutsi nahi duten esku irmoen ongi egitearen errealitatea.
Pilota karratua: zoramena, artea edo, bere sormena askatzen ari den artisau bat baino ez.

Otero Pilotagilea, Koop.Elk.
Anoeta (Gipuzkoa)

“IRTENBIDE BARIK”

“IRTENBIDE BARIK” Ez dago treguarik, lanari ekin behar zaio, produzitu, produzitu, produzitzea da ardura bakarra.
Akabera ona, originaltasuna, diseinua, kalitatea; ezerk ez du jada interesik; bukatu behar duzu, besterik ez; gehiago egin, gehiago bukatu, gehiago produzitu...
Berdin da zelan, berdin da zer, berdin da zertarako, irtenbiderik ez dago, jada.

Marian mayo
Laudio (Araba)

IBILI EZINIK

IBILI EZINIK Gaur ezin izan ditut oinetakoak jantzi, eta ezin naiz ibili, ezin naiz inora joan. Errezelo eta mesfidantzaz begiratzen hasi zait oraina, arraro eta harriduraz ere bai. Badirudi, jada, ezin izango dudala aurrera egin eta sekula ez naizela gerora iritsiko.
Abarkak, garai batean, guztiek erabiltzen zituzten egunero eta luzaroan. Gerora, folklorean baino ez ziren erabiltzen, eta gaur egun erabilera estetikoa baino ez dute. Hala ere, ez dugu ahaztu behar abarkek gordetzen dutena, ekartzen dutena, kontatzen dizutena: zure iraganari buruz berba egiten dizute geroa ulertu dezazun... badakizu, zuri buruz hitz egiten dute.

LARRUKIAK
Rosa Garate
Donostia (Gipuzkoa)

AMALURRA

AMALURRA Errespetatu amalurra, basoak...
basamortu ez bihurtzeko.

Errespetatu artisautza, arbasoen legatua...
kultura eremu antzutara ez eramateko.


Bego Rojo
Zeanuri (Bizkaia)

AURRERA, ATZERA, EDO NORA GOAZ

AURRERA, ATZERA, EDO NORA GOAZ Pieza hau egitarakoau aukeratu dugu kolore beltza eta tzuria; kolore beltza, bota batean, “de luto” dasalako, artesania bésala; Besteau berriz sartu dugu kolore tzuria itxaro pena adierazten nahian.
Biak “kateak-korreak” dituzte (artesania dituen trabeekin lotuta dago,
Beste aldetik duten sorua alrebes dago: takoia aurrea eta sorua atzean, (artesania bésala, botak atzeruntz ibiltzen dira)

ZAPATARI
Mª Carmen del Rio, eta Xabier Iturriotz

HUTSA BAINO EZ DA GERATZEN

HUTSA BAINO EZ DA GERATZEN Hutsak inguratzen gaitu eta isolatu; joaten gareneko lekuak gogorarazten dizkigu, eta batez ere gatozenetatiko horiek; ustez, ezagutzen genituen funtsak betikotzen ditu eta, batez ere, erantzunak ematen dizkigu.
Hutsa baino gelditzen ez denean, orduan aurkitzen dugu geure burua, hutsa baino gelditzen ez denean, orduan zeu bakarrik zaude.
Estelak inguratzen zaituen orori so egitera gonbidatzen zaitu, hutsetik harago begiratzera.

Bernat Vidal
Abadiño (Bizkaia)
¿Y esta publicidad? Puedes eliminarla si quieres

EUTSI GOGOR

EUTSI GOGOR Jo eta jo, borrokan, deitu eta deitu, esfortzuz, adorez, atsedenik gabe, gogoa galdu barik eta jarraitzeko premia larriaz.
Desio bakar bat: ARTISAU izaten jarraitzea.

Golpeando, luchando, llamando, con esfuerzo, con tesón, sin descanso,
sin desanimo y con una necesidad imperiosa de continuar.
Solo un deseo seguir siendo ARTESANO.


Roman Aduriz
Errenteria (Gipuzkoa)

OTZAR ERREZA

OTZAR ERREZA Azkenean formula magistrala aurkitu dut, nire arazo guztiak konpontzeko soluzioa, artisauok beti bilatzen ari izan garen ideala.
Piezen artean nagusiena, eskulan zehatza eta akabera onekoa, ederra, erabilgarria eta eduki etnografikoz betea. Arazo bakarra dago: ezer ere eraman ezin duen saskia da, ezer eduki ezin duena, hondorik ez baitu; egiteko saskirik errazena da, saski erraza. Agian artisau izateak horren soila izan beharko luke; izan ere, gerta daiteke laster ezertarako balio ez izatea.

ARTESANIAS SALMANTON
José Ramón Salmantón
Zalla (Bizkaia)
¿Y esta publicidad? Puedes eliminarla si quieres